نكت مغربية

استعرض الموضوع السابق استعرض الموضوع التالي اذهب الى الأسفل

نكت مغربية

مُساهمة  The MoRoCCaN ToRNaDo في السبت 06 نوفمبر 2010, 13:05
























هدا واحد السبيطار ديال الحماق ديما إيلا جا الطبيب ف الصباح كايلقى الحماق مضروبين كلهم ف الجبهة ديالهم إلا واحد. واحد المرة دارو ليهوم كاميرا باش يشوفو أشنو كيوقع. ملّي جاو الغد ليه خدمو الكاسيطا الي تسجلات لقاو هاداك لي مامضروبش كيرسم للحماق واحد الخط ف الأرض وكيقول ليهم: الي داز تحت هاد الخط نعطيه 200 درهم











هذه امرأة ميريكانيةو فرنسية و مغربية سولوهم على الحاجة اللي شرطوا على الراجل وحققها الميريكانية قالت: أنا النهارالأول قلت له ماكنعرف نطيب.التهارالثاني ماشفت والو.النهارالثالث جاب طباخة ,الفرنسية قالت: أنا النهارالأول قلت له ما كنعرف نصبن,النهارالثاني ماشفت والو.النهارالثالث جاب مكينة د الصابون.


المغربية قالت: أنا النهارال......أول قلت ما كتعرف نطيب و لا نصبن.النهارالثاني ماشفت والو.النهارالثالث.وليت كنشوف شويا بالعين اليمنية












هادا امريكا بغات تصنع صاروخ المهم كلشي شارك معها ها ليجاب البياس و ها ليساعد باليد العاملة و حتى سالاو و هما يشوفوا واحد المغربي جايب ورقة كبيرة مكتوب فيها


( صنع في المغرب )














هدا واحد تيقرا فكلية الطب غادي فالطريق أهو إلقى طلابة هو اصدق عليها أوهي تدعي معاه گالت ليه: سير أوليدي عمر وجهك ميشوف لسبيطارات، من داك لعام أهو تيسقط












هدا واحد لقا ولدو كينشد طلع البدر علينا اهو يضربو وقتلو بالعصى قاتله مراتو علاش ضربتيه.. قاليها لقيتو كيغني بالقرآن او هي تقوليه علاه طلع البدر قرآن راه غير نشيد اوهويطيح ابكي.. قاتليه مالك.... قالها 10 سنين ونا كنصلي بطلع البدر












واحد المكلخ كان مردة ولى بوليسي عطاوه السلاح والمينوط مشى فرحان للدار كي دخل عند مراتو بغا يضحك معاها وفي نفس الوقت يفوح عليها ركب ليها المينوط .. ضحك معها وسالا و المنوط مبغاش يتحل ليه عيا معاه والو ، في الصباح داها معاه للكوميسارية قالو ليه مالك ؟ قال ليهم لقيتها سكرانة









دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع











واحد كايقولوا ليه الحاج شلاظة .كعا من السمية.. مشا هاجر شي 30 عام باش انساو... رجع هوا يشوفوا واحد صاحبو قديييم.. قال ليه واش نتا هوا الحاج بصلة اولا مطيشة اولا خص... الحاج قال ليه تخلطها نخلط مك.






هادا واحد مراتو خارجة عليه، ديما هو كيغسل المواعن .. واحد نهار جلس يعاود لواحد صاحبه جا هو قاليه هاد المرة ملي تدخل للدار مع الدخلة غوت عليها و قول ليها واش كاين شي غدا.

مشا هو دخل للدار و غوت بالجهد :حناااااااااااااان ... و هي ترد عليه بجهد كتار : ماااااااااااااااااااااااالك؟؟؟؟

قال ليها : كاين شي مواعن نغسلهم؟؟؟





هادا واحد ساكن في الطروازيام ايطاج كاره مراتو و بغا يقتلها و ماعرف مايدير ليها ... واحد النهار مشا حل السرجم و عيط عليها " فاطمة جري جري... الجيران كيدابزو " و هي تجي طايرة ، كيف وصلت للسرجم و هو يدفعها الطيح... شوية و هو يسمع الدق في الباب مشا حله، لقا مراته
داخلة و هي تقول ليه " اااااه على ضحك شحال باسل "




هاد واحد المرا كتشك فزوجها

واحد اليوم لقات عليه شعرة زعرة قالت ليه شكون هاد الزعرة اللي كنت معاها

واحد النهار لقات شعرة حرشة قالت ليه شكون هاد السودة اللي كنت معاها وواحد النهار ما لقات حتى شعرة قالت ليه شكون هاد القرعة اللي كنت معاها








هادو 2 دراري تعطلو على المدرسة ,و قال ليهم المعلم : علاش تعطلتو ؟



قال ليه واحد راه طاحت ليا 10 دراهم , و هو يقول ل تاني: و نتا مالك



قال ليه: راه كنت داير رجلي عليها .













هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس



جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ...؟







جا البقال رد عليه :ولا شنو ؟؟؟؟ رد عليه الراجل و قال له: ولا فانتا .







سقرام (بخيل) شرا خبرة..شفرها ليه شمكار(مشرد) تبعو... مني شاف انو مشا عليه.. قال ليه سير صدقة ورحمة الوالدين[/b]





هذا وحد الرجل بغا ينتحر أو مشى لواحد المقهى في إسبانيا و كان باغي ينتحر او هادوك لي لتحت جابولولو لفلوس و قالولو متنتحرش و واحد المرة بغا يدير هكاك حتى في المغرب و قالو وحد الرجل لتحت طيح طيح نشوفوك كي غادي الدير






هدا وحد السبيطار ديال الحماق ديما إاى جا الطبيب فاصباح كايلقا شي حماق فواحد البيت مضروبين كولهوم فجبها ديالهوم إلا 1 واحد المرة دارو ليهوم الكاميرا ملّي جاو الغد ليه خدمو لكاسيطا ل تسجلات لقو هاداك لي مامضروب كيرسم ليهوم 1 الخط فالأرض أو كايقول ليهوم لي داز تحت هاد الخط نعطيه 200درهم[/b]





ذهب أعرابي عند صيدلي و قال له "عندك نعناع" أجابه الصيدلي "لا"

رجع بعد ساعة فسأله عندك نعناع فقال الصيدلي "لا هذه صيدلية و لا أبيع النعناع"

رجع مرة ثالثة و رابعة و دائما يسأل عن النعناع....فذهب الصيدلي و اشتر ى نعناع من السوق و لما عاد الأعرابي يسأل عن النعناع مرة أخرى قال "هل عندك نعناع" فقال الصيدلي "نعم عندي نعناع" فأجابه الأعرابي "محال إتمشا ليك النعناع فالفرمسيان".....





هدا واحد الحول...... تسجل في الجيش ...... حطوه في قسم القصف العشوائي </SPAN>







شي دراري كيقراو فأمريكا مات الأب ديال واحد منهم , ماعرفوش كيفاش يقولوها ليه , قال ليهم واحاد أنا نتكلف بيه . لموهيم مشا لعندو وهوا يسولو: إيمتى آخر مرا شفتي باك . قال ليه قبل شهرين . قال ليه إوا لا شفتيه مازال دفل عليا




هادا واحد راجل كايمشي لقهوة مين كيبغي ينوض كايرمي على ڭارسون 50 دريال مسرفة ريالات. ولڭارسون مسكين كيبدا يجمع وعيا، وكايتسنا غير فوقاش يفدي دكشي.واحد نهار عطاليه

100دريال مجموعة. هوا فرح وردلو صرف 50ريال ريالات ورماها. هوا يقوليه دك راجل : زدنيعافاك شقهوة خرا





هادا واحد لمرا مين كايمشي راجلها كادخل عليها لدار 3 ديال رجال (كاتفسد على راجلها) واحد نهار رجع راجلها على غفلى هوما يتخبعو فلخناشي. هوا يقوليها اشنو هادشي. هي تقوليه هادي تقدية جبتها . هوا يركل خنشا لولا هوا يسمع ''قوقو عوش" (زعما دجاج) .ركل لخنشة تانية سمع "باع" قاليها مزيان راكي جبتي حولي. ركل ثالثة ماسمع والو . بدا كايركل فيها كايركل فيها هوا يخرجلو راجل قاليه امال مك باطاطا كتهدر؟




1- هدا واحد مشى يشري ساعة لقاها غالية أهو ياخد 5 دقايق

2- واحد بغا يدور تيليفون أهي دور فيه


3- هدو واحد جوج مشاو لبحر واحد عام أو لاخر عامين



4- هدا واحد الحنش سكر أهو يمشي نيشان



5- واحد مات عوج دفنوه في فيراج



6- هدا واحد دخل للملعب أو معاه معلقة باش إحرك اللعب



7- هدا واحد اللاعب خطير دخل للملعب مثلتم لحقاش خايف من المراقبة



8- واحد مشى ينعس معطل لقى الأحلام سلات



9- هدا واحد بغى يقطع الشامطي أهو يجيب المقص



10- هدا واحد السيد ارفع دعوى أهي الطيح عليه
</SPAN></SPAN>





أوربا سمحوا للمغاربة بالهجرة بدون فيزا. المغاربة كلهم يستعدوا للهجرة. الملك هو يخطب عليهم وقال: آخر شخص يخرج من المغرب يطفي معاه الضو




</SPAN>


هذا واحد الطفيلي، دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت


</SPAN>


هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم
</SPAN></SPAN></SPAN>






هدا واحد البخيل قل ليه ولدو :ابا عطيني 5 دراهم ندرب دويرة انا و صاحبي.

قل ليه باه: هاك ها درهم و سير نيشان .








واحد جوج لحايا معندهم فلوس... تافقوا يركبو طاكسي ومني يحطهم يهربو... مني حطهم هربو.. مول طاكسي تاهوا هرب... تسحاب ليه حطو ليه قنبولة




</SPAN>



واحد طلاب طلع لطوبيس كايطلب مبغا حد يعطيه.. واحد الراجل عيط عليه عطاه شي حجا...طلاب قال ليه الله يجعلك من الدين امنو... مني شاف لقا ريال.. زاد قال ليه ثم كفروا








</SPAN>


الاستاد لدري اش كتحلم دير... الدري: كنحلم نشد 10000 درهم فالشهر بحال الوالد... الاستاد :علاش باك كايشدهم... الدري: لا تاهوا غير كايحلم










[b]واحد طلع لطوبيس شرا جوج ورقات.. قال ليه للي كيقطع علاش شريتي جوج... قال ليه مني طيح ليا ورقة تكون عندي ورقة .. قال ليه ومني يطيحو ليك بجوج.. قال ليه عندي لكارت ديال الطوبيس








[b]قال ليك هدا واحد سكران طلع الطوبيس و هو يقول السلام عليكم , و حتى واحد مجاوبو , وهو يمشي القدام حدا الشيفور و نعت بيديه وقال ليهم هاد الجهة اليمنى ديال الحمير و اليسرى ديال البغال , و هو ينقز واحد من جهة ديال الحمير و قال ليه خويا أنا راه ماشي حمار و هو يقول ليه السكيري يلاه دوز الجهة ديال البغال






غلغليظ بزاف تبارك الله مشا يتعبر وقف فالميزان خرجات ليه الورقة مكتوب فيها خوتي واحد واحد الله يخليكم

















شكرا لوقتكم </SPAN>


مع تمنياتي أن ينال الموضوع إعجابكم



تحياتي

...














_________________________________________________
في أسوء حالاتنا نتنافس على اللقب إلى آخر الدورة...


في حالاتنا العادية نفوز اللقب على بعد دورات...


أما في أحسن أحوالنا فنتربع على عرش الكرة المغربية لسنوات متتالية


بقلم :ملوك الديربيات



من فضلكم أدخلوا >>> هنا <<<
ستفيذوني و تستفيدون. وشكرا.
avatar
The MoRoCCaN ToRNaDo
Admin

عدد المساهمات : 16
نقاط : 2723
تاريخ التسجيل : 01/07/2010
العمر : 23
الموقع : Casablanca,MoRoCCo

معاينة صفحة البيانات الشخصي للعضو http://green-paradise.forumsmaroc.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى